Për familjen Berisha sot është një ditë e veçantë. Ish-kryeministri i Shqipërisë, Sali Berisha feston 73-vjetorin e lindjes.
Përmes një statusi në rrjetin social “Facebook”, Berisha ka shkruar se ka hyrë në vitin e katërt të vjeshtës së tij si pranverë, ndërsa ka falenderuar familjen dhe të gjithë ata që e mbështesin. E menjëherë pas këtij statusi, kanë vërshuar urimet pafund për Berishën nga ndjekësit e tij, ku i urojnë të bëhet edhe 100 vite!
“Miq, sot 73 vjeç! Hyra ne vitin e katert te vjeshtes time si pranvere! Mirenjohje te pakufishme per familjen time dhe te gjithe ju. Lavdi Zotit! Paçi bekimin e Tij! sb”
I lindur më 15 tetor të vitit 1944 në Viçidol, për ish-kryeministrin mosha është thjesht numër, ndërsa vijon të mbetet një ndër politikanët më aktivë në politikën shqiptare.